समाचारसमाज

यादव समुदायको युबा संघ गठन

यादब समुदायहरुको युबा संघ संतोष यादबको अध्यक्षतामा गठन भएको छ । काठमाडौको मधेश मिडिया हाउसमा भएको भेलाले यादव समुदायका युवाहरुको नेपाल यादव युवा संघको औपचारिक गठन भएको हो । संघको गठन घोषणा गरेको कुरा शत्रुधन यादबले जानकारी दिए । संघको उपाध्यक्षमा चन्द्र यदुवंशी, सचिवमा शिव यादव, उपसचिवमा चुडामणी यादव, कोषाध्यक्षमा रमिता यादवलाई चयन गरिएको छ ।

संघको केन्द्रीय कार्यसमितिको निर्णायक मण्डलमा शरदसिंह यादव, आरपी यादव, जयनारायण यादव र आलोक यादव गरी ४ जना रहेका छन् भने मस्यौदा समिति प्रमुखको जिम्मेवारी चुडामणी यादवलाई दिइएको छ । त्यस्तै, सल्लाहकारमा दशजनालाई राखिएको छ ।

संघले देशभरका यादव समुदायलाई सामेल गराउने र यादवको इतिहास, सभ्यता र संस्कृति खोज अनुसन्धान गर्न काम गर्ने जनाइएको छ । यस्तै, आर्थिक, सामाजिक, राजनीतिक तथा प्रशासनिक क्षेत्रमा यादव समुदायको पहुँच र अधिकारको लागि काम गर्ने, परापूर्वकालदेखि यादव वंशले आर्जन गरेको प्रतिष्ठा, सौर्य र बिर्ता पुनर्जीवित गर्ने, आर्थिक रुपमा विपन्न यादव समुदायका मानिसको लागि शैक्षिक तथा स्वास्थ स्तर उकास्न योगदान पुर्याउने लगायतका योजना संघको छ ।

मधेसमा रहने भएकोले देशमा विपत्ति परेको बेला यादव युवाले आफ्नो परोपकारी भवनाको प्रदर्शन गरि यादव समुदायको शाख उच्च बनाउन काम गर्ने लक्ष्यसहित संघ गठन गरिएको जनाइएको हो । नेपालमा यादबको जनसंख्या १० लाख ५४ हजार ४५८ छन।भने कुल जनसंख्याको ३।८८ प्रतिशत हुने तथ्यांक २०६८ सालको जनगणनाले देखाएको छ।यादब समुदायको संस्था यादब सेवा समाज २०५७ सालमा स्थापना भएको छ।

Related Articles

Leave a Reply

Your email address will not be published.

Back to top button