कोरोना महामारीको कारण विश्वभरिका देशहरूमा विनाश फैलिएको छ। इटालीमा मात्रै मर्नेको संख्या १० हजार नाघेको छ। त्यस्तै, स्पेनमा ६८०३ र चीनमा ३,३०० मानिस मरेका छन्। भारतमा पनि कोरोनाभाइरस छिटो फैलिरहेको छ। त्यहाँ मर्नेको संख्या ३० पुगेको छ भने ११०० भन्दा बढी व्यक्ति संक्रमित छन्।
विश्वभर कोरोनाभाइरस संक्रमितको संख्या ७ लाख भन्दा बढी पुगिसकेको छ भने ३३ हजार भन्दा बढी मानिसको मृत्यु भैसकेको छ। कोरोनाको कहरबाट अहिले सम्म जम्मा ७,२१,९०२ व्यक्ति संक्रमित भएका छन्, जबकि ३३,९६५ व्यक्तिको मृत्यु भएको छ। विश्वका १९९ देशहरू कोरोना महामारीसँग संघर्ष गरिरहेका छन्।
पछिल्लो २४ घण्टामा सबैभन्दा बढी स्पेनमा ८२१ जनाको मृत्यु भएको छ। त्यस्तै अमेरिकामा २४ घण्टामा २६४ जनाले आफ्नो ज्यान गुमाएका छन।
