समाचारस्वास्थ्य

मेयर सरावगीलाई कोरोना संक्रमण पुष्टि,सरकारले तोकेको मापदण्ड पालना गर्न नगरवासीलाई अपिल

वीरगञ्ज

वीरगञ्जका मेयरलाई कोरोना संक्रमण पुष्टि भएको छ । वीरगञ्ज महानगरपालिका प्रमुख विजयकुमार सरावगीलाई कोरोना भाइरसको संक्रमण पुष्टि भएको हो । काठमाडौंमा गरिएको परीक्षण पिसिआर रिपोर्ट पोजेटिभ आएको छ । कोरोना पुष्टि भएपछि मेयर सरावगीले आफ्नो फेसबुकमार्फत भने, ‘तपाईंहरुको सेवामा अनवरत रुपमा लाग्दालाग्दै म स्वयं कोरोनाको संक्रमणको चपेटामा परेको छु । काठमाडौंको एक अस्पतालमा उपचार भइरहेको छ ।’

कोरोना संक्रमणलाई जितेर पुनः नगरबासीको सेवामा फर्किने समेत उनले बताए । वीरगञ्जलाई ग्रिन जोन वनाउने उदेश्यका साथ एकघर एक परिक्षणको अभियान संचालन गर्ने भनिएता पनि त्यसको कार्यान्वयन समयमा हुन नसक्दा वीरगञ्जमा कोरोना संक्रमण समुदाय स्तरमा फैलिसकेको रहेको उनले बताए । मेयर सरावगी भारतबाट आएकाहरुको क्वारेन्टिन, संक्रमितहरुको आइसोलेसनमा खटिँदै आएको बताईएको छ ।

सरावगीले चन्दा संकलन गरेर पीसीआर मेसिन खरिद गर्नुको साथै क्वारेन्टिन, आइसोलेसन र कोभिड अस्पतालमा रहेका संक्रमितसहित अस्पतालमा कार्यरत डाक्टर, स्वास्थ्यकर्मी र सफाईकर्मीको खाना र बस्ने व्यवस्था मिलाएको बताए । कोरोना संक्रमणको यो घडीमा आफूलाई संयमित राख्न र नेपाल सरकारले तोकेको मापदण्ड पालना गर्न सम्पूर्ण महानगरवासीलाई मेयर सरावगीले अपिल गरेका छन् ।

Related Articles

Leave a Reply

Your email address will not be published.

Back to top button