राजनीतिसमाचारहेडलार्इन

आजको प्रतिनिधिसभा बैंठक शोकप्रस्ताव पारित गरेर सकियो , अर्कोे बैठक चैत ३ गते

काठमाण्डौं,
आजको प्रतिनिधिसभाको बैंठक शोकप्रस्ताव पारित गरेर सकिएको छ । हिउँदे अधिवेशन अन्तर्गत आज बसेको प्रतिनिधिसभाको दोश्रो बैठक शोक प्रस्ताव पारितमै सिमित भएको हो । बैठकअघि विभिन्न ६ वटा अध्यादेश पेश गर्ने सम्भावित कार्यसुची राखिएपनि अन्तिम समयमा परिवर्तन गर्दै शोक प्रस्ताव पारित गर्ने कार्यसुची मात्रै राखिएको थियो ।

संवैधानिक व्यवस्थाअनुसार प्रतिनिधिसभाको पहिलो बैठकमा अध्यादेशहरू पेश गर्नुपर्ने हुन्छ । गत फागुन २३ गतेको बैठकको कार्यसूचीमा अध्यादेश राखिएपछि प्रचण्ड पक्ष, कांग्रेस, जसपाले विरोध गरेका थिए । आज पनि कार्यसूचीमा अध्यादेश टेबल गर्ने तयारी भएपनि संसदीय मामिला तथा कानुन मन्त्रीले कुनै गृहकार्य र समन्वय नगरेको स्रोतले बतायो । पछि दलका नेताहरुले संवोधन गर्ने कार्यसूचीमा सहमति जुटेको थियो तर पछि बोल्न असहमत भएपछि त्यसलाई पनि हटाइएको थियो ।


प्रतिनिधिसभा तथा संविधानसभा अन्तर्गतका १४ जना पूर्व सांसदको निधनमा शोक प्रस्ताव पारित गर्दैै बैठक सकिएको छ । आगमी चैत ३ गते मंगलबार १ बजे प्रतिनिधिसभाको अर्को बैंठक बस्ने गरी आजको बैंठक स्थागीत गरिएको हो ।

Tags

Related Articles

Leave a Reply

Your email address will not be published.

Back to top button